Sedari kuasa kita!

Sedari kuasa kita!

Pengikut

11 Januari, 2015

Kisah sedih mangsa banjir Kelantan

semalam ada member drive balik kelate..lalu kot manik urai.. ternampok sepasang ore tuo dale lingkungee 70 lebih dok tido di pondok nunggu bus..napok ado bungkusan baju n satu basikal tuo tersandar kat pondok nunggu bus..maso tu dalee pukul 7.30 pagi..napok duk tido situ..hanya beralas kertas surat kabar dan berselimut kain plekat dan berbantal bukusan baju...jadi ambo patoh balik berenti betul2 depan pondok nunggu bus tu..maso kawe turun dio duk tidor napok kesejukan..kawe bagi salam...gerok pokcik tu..terkejut jugok dio..napok po dok nanaa..dio bangun pah tu dio gerok mokcik tuo hok tido skali ' mek mek bangun'.. Mokcik tu pun bangun sambil dok genyeh mato dio.... Ambo tanyo pakcik tu' pokcik doh brapo hari tido sini?"...Dio jawab ' pah pado air surut..umoh punoh hanyut ... Ambo tanyo ' anok2 pokcik takdok ko '... Mokcik tu jawab ' anok ado sore blaki doh duk di johor..sore lagi hok jatee nikoh duk di kolompo..tapi gak anok2 bertahun doh tok kelik..mugo idup senee doh mano nok ingat ko ore tuo'....Bilo ambo dengar sero sayu hati anok2 lupokan mok pok..ambo tanyo lagi ' pah banjir surut anok2 tok kelik ko?"... Pokcik tu kato' maso rayo pun tok kelik ..lagi ke boh gini nok kelik'... Ambo tanyo lagi ' pokcik dah make?...Bilo ambo tanyo gitu air mato  mokcik tu nitih..tok terkeluar kato2 cumo dio ngeleng poalo tando dio tok make.... Ambo tanyo brapo hari doh mokcik pokcik tok make?... Pokcik jawab ' sejak air surut..bantuan pon ore tok ambik utk pokcik..sebok hati ambo dengar..maso ambo tringat ambo ado bekalan roti cream maso kat gua musang ambo beli 3 ..doh make belee drive so..ado 2 lagi... Ambo gi kat kereta ambik roti nge air mineral..ambo bui ko dio... Ambo kato' pokcik sayo ado roti pokcik mokcik ambik la make.. Mokcik tu kato ' takpo la awe..trimokasih...mokcik raso kenyee doh bilo slalu dok selawat kaatas Nabi.. Kawe sero meroh mato dok tehee air mato duk takung... Ambo pujuk pokcik mokcik ambik make..akhirnya dio ambik..dan make..separuh jah,.separuh lagi dio sipe...Bilo tengok gitu ambo raso sebok..make sparuh roti pahtu sparuh lagi simpan.. Ambo kato mokcik pokcik make la abih roti tu takpo pah ni sayo mari smula bawok makanee..pokcik tu tanyo..awe mari mano..sayo royak..sayo nok kelik pasir puteh dari kl...Dio royak trimo kasih banyok2 ..pokcik tu royak banyok keto hok lalu tapi takdok satu keto pun brenti tanyo keadaan dio.... Ambo kato insyaallah ada nanti hamba Allah yg tolong pokcik mokcik..pahtu ambo kato..ambo mari smula pokcik..sayo drive sampai jumpa kedai stop kebetulan ore duk jual breakfast .,sayo beli nasi dagang lauk ayam 2 ketul ..beli 2 bungkus rm10 sebungkus..pastu pegi kedai runcit beli air mineral 10 botol yg dijual dgn harga rm5 sebotol hok kecik..beli biskut beli makanan dalam tin kari ayam. Sambal ikan bilis , sardin 10 tin..roti 2 bungkus..kain selimut 2 kemudian saya drive balik atar ko pokcik tu... Bilo sayo bui baree2 tu ..pokcik tu triok dio peluk sayo royak..pokcik tok tahu nok balas budi awe..hanyo Allah yg dapat membalas budi awe.. Mokcik tu nitih air mato..hok ambo sedih bilo mokcik tu kato'' ingatkan bilo kito besarkan anok2.. Anok2 akan ingat pada ore tuo..tapi ore lain yg ado perasaan simpati ..ambo dengaa gitu sero nitik air mato..anok2 bilo doh senee lupo ore tuo... Mokcik tu sambung lagi ' tapi walau pun anok2 tok ingat mok pok dio..tok caro ko ore tuo..sabagai mok pok mokcik sentiasa berdoa untuk anok2.. Begitu sayu bilo mokcik tu kato gitu
.... Maso beli baree tu hargo meme mahal... kain slimut rm50..lilin sebatee rm10... Memee ore ambik kesempatan...Ore tuo tok cekak nok jalee....pesan kat ore gi ambik bantuan tapi nyo behee ambik ko ore hok gi ambik..tok bui ko ore tuo tu... Dengan tido alas surat kabar berbantal kan bungkusee baju..berselimut nge kain pkekat..pilu tengok...

Nota: Kutip dari whassapp

Tiada ulasan: